今次行山路線是由大嶼山的東涌行至大澳，全程由約十二公里 (東涌 ─ 散頭 ─ 鱟殼灣 ─ 沙螺灣 ─ 散石灣 ─ 深石村 ─ 深屈灣 ─ 大澳)。東大古道連接大嶼山東涌與大澳，沿岸途經(石散)頭村，沙螺灣，深屈等地方，是昔日的交通要道。現在，這條古道的大部份已舖了水泥，上落也很小，並不難走，在深屈還有士多補給呢!終點大澳被喻為香港的威尼斯，是充滿水鄉風情的漁村，以棚屋（在水上用竹棚撘建的）最具特式；我最喜歡大澳的茶果，是一種點心，到處也可以買得到，價格很便宜。大澳是觀賞日落的好地方，只要細心等待，不難看到如鹹蛋黃般的日落；我建議大家行完東大古道，不要急著離開，可能可以看到意外的驚喜呢！
集合地點： 東涌東薈城
起點： 東涌炮台
終點： 大澳
行程： 4 小時
里數： 12 公里
難度： 1 星級，大部分石屎路，後段有一部分泥路。
時間： 9:00 am
領隊： 韋信
地圖： 地圖連結
地道美食： 深屈灣坤叔士多
Courtesy with Boris
Courtesy with Geoff
各位行山隊友及有興趣參加既朋友:
Hiking100fun 四月份第一個行山活動訂於星期六 4月11日舉行。
今次行 山路線係位於大嶼山東南面、芝麻灣對開的長洲，距離港島只有11公里，是人口最稠密的離島之一。從前長洲是個漁村，到現在長洲仍然保留著很多漁村的傳統。 長洲有8個灣，分別是東灣仔、東灣、觀音灣、南氹灣、西灣、長洲灣、白鰽灣和大貴灣。島上開設了很多特色食肆，不單有漁港特色的海鮮酒家，也有不少西方色 彩濃厚的酒吧和餐廳。
長洲大致上是沒有車輛行駛的，島民都是徒步或踏單車代步。
是次長洲之旅分兩段進行
早上行藍線
長洲碼頭→東灣海灘→滑浪風帆紀念公園→東灣石刻/小長城→觀音灣→天后廟→關公忠義亭→長洲碼頭
中午在碼頭附近食海鮮
下午行綠線
長洲碼頭→北帝廟→長洲消防局→製冰廠→長貴路→桂濤花園→長北路→觀景亭→大貴灣新村→北帝廟→長洲碼頭
是次行程由團友 Amanda 策劃，由星級領隊方中信帶隊。有興趣參加當日行山既隊友或朋友，請儘快或於下個星期三的下午5點正前於指定網站報名，新朋友如想參加，可以直接聯絡韋信或小弟。
行山路線: 長洲之旅
行山日期：4月11日
集合時間: 上午9點正﹝搭9點半船﹞
集合地點: 中環碼頭
起點: 長洲碼頭
終點: 長洲碼頭
行山時間: 約4至5小時
地道美食：地道小食
截止報名時間為四月八日的下午5點正，請儘快報名. 
GPS Log:
Photo courtesy by Alex
Photo courtesy by Boris
大浪灣由四灣（西灣、鹹田灣、大灣及東灣）所組成，位於香港後花園西貢半島的東面，遠離繁囂，水清沙幼，景色美絕，被譽為西貢半島的明珠，而一尖四灣（一 尖指蚺蛇尖）更是香港四大奇景之一。大浪灣故名思義，四季強風吹襲，波瀾壯闊，白浪一排排地沖向沙灘，十分壯觀。而赤徑則深藏於海灣內港，三面環山，終年 風平浪靜，風景如畫般優美。
集合地點： 北潭涌
起點： 吹筒坳
終點： 北潭坳
行程： 5 小時
里數： 8.5 公里
難度： 1 星級，唯西灣至咸田灣一段較斜。
日期： 2009-02-22
時間： 9:00 am
領隊： 韋信
團員： Hiking100fun Group
參考圖片： 圖片連結
Courtesy with Boris
Courtesy with Tsz Lung
各位行山隊友及有興趣參加既朋友:
Hiking100fun 二月份第一個行山活動訂於今個星期日 2月8日舉行。
今次行山路線是麥理浩徑第一段，第一段環繞著西貢東郊野公園內的萬宜水庫南部而行，是一個舒適的開始，大部分路徑都是平坦的，只有小量略帶坡度的段落。此路徑的起點設於北潭涌，沿著西貢萬宜路走，經過萬宜水庫的東壩和西壩，路途上有很多支路直達沿岸的舊村，最令人讚嘆的是在終點處東霸 — 滿佈了奇石的海岸。
全程由星級領隊方中信帶隊。有興趣參加當日行山既隊友或朋友，請儘快或於今個星期四的下午5點正前於指定網站報名，新朋友如想參加，可以直接 PM 韋信 或小弟。
行山路線: 麥理浩徑第一段
行山日期：2月8日 (即今個星期日)
集合時間: 上午9點正
集合地點: 北潭涌巴士總站
起點: 北潭涌
終點: 萬宜水庫東壩
行山時間: 約4小時
由於要儘量為隊友安排順風車入北潭涌，所以截止報名時間一定會是今個星期四的下午5點正，請儘快報名.
麥理浩徑第一段
Photo by 子龍
領隊後記：
因為團長抱恙唔黎得，今次後記由我黎寫 …. 二月八日天未光，仲 
緊果陣，團長 
：『啊領隊，我姨媽到唔黎得 
…….. 
』加上噚晚富士又話要返鎖羅盆、天林叔又『 
』所以今日未出發已經有幾位團友要缺席 
最幣當中仲要有兩個係司機 … 
。16 個巿區人入黎，得兩部車，呢次真係要考過河 IQ 題嘞。 
但好一個夠雷氣既團長，為團友兩脅插力、上刀山落油鑊，赴湯渡火不在話下，崖住姨媽到既痛楚 
車晒成棚港島區既團友黎… 
九點左右，一行十幾人黎到集合點北潭涌 …. 團長交帶左個名單比我之後就 
，是日既行程正式開始。
全段只有開頭一段係上斜路，其餘全段都係平路，加上個天陰陰地，涼風送爽 
。一路上，幾位影相友留後，細聲 講大聲 
，話題離不開『團長』、『美沙酮』、『菜斯』、『康得士』 
等等，無驚無險就黎到第一個景點：『西壩』。就係呢處，竟然歷史重演，又有團友隻鞋行到甩底 …. 
….. 因是次行程全係馬路，當中竟然有無良團友提議團長係巿區買對鞋送入黎 
係西壩短暫停留之後，就向終站出東壩出發 。路上傾下講下，同阿 Yan 講起一o的好深層次既問題 
…… 到接近東壩之際，有人話是次行程唔夠喉，提議入埋浪茄
無幾耐，終於抵達『終點』站：東壩，各人都情不自禁： …. 好靚啊 
…. 好靚啊 …. 好靚啊 …. 全團人除左我同藥皇/藥皇 so 之外，由東壩中段落底部，向右『間』水參觀岩洞，再經崖邊到外壩，繞一圈返回東壩頂部。當中有一段插曲：Boris 竟然係岩洞深處遇見一位幾十年無見既同班同學 
……….. 
… 小弟同藥皇/藥皇 so 都無去岩洞，都係經大路到外壩略略參觀後到東壩涼亭小休，一等就等左個幾鐘 。其間，竟然收到小弟遠在美國的大哥 ….. 因為小弟全程開著 GPS Tracking System，佢可以實時上網道我地既位置，佢問：乜解你粒幾鐘都係同一個地點，係咪發生咩事？ 
最後，隊員係東壩 hea 完後，又累又餓，擱置左浪茄既臨時行程。係涼亭集合時，當中有團友見有妹妹仔攝影友路過，換上支牛咁大既鏡頭扮專家咁向人搭訕 
直至的士黎到先依依不捨咁講 
最後我地分四架的士出返北潭涌，奇怪既係六師兄架車竟然又會多左兩個妹妹仔 
一行十七人，藥皇/藥皇 so 見私家車位唔夠坐，自動請纓搭巴士返屋企 其餘十五人就落西貢食泰菜 
。埋單結算：一圍枱，每人一個碟頭飯 + 凍飲，盛惠六十幾；另一圍大魚大肉，又雞又茄喱明蝦又冬陰公又拼盤又隊埋啤先係八十 …. 
最後希望團長早日康復，另外希望天林叔可以重出江湖 ….
各位行山隊友及有興趣參加既朋友:
來緊2009年, Hiking100fun 第二個行山行程訂於下周六 1月24日。由鹿頸起步，經鹿頸村上尤德亭，鳥瞰南涌、鹿頸及谷埔，遠眺對岸沙頭角及鹽田港貨櫃碼頭。尤德亭是一座兩亭相連、呈八角形的中國傳統涼亭，由於前港督尤德經常到此郊遊，故建此亭以示紀念。
回程由另一面落南涌，途經屏嘉石澗及香港最大的壺穴區嘉龍潭。抵達南涌後，海邊建有天后宮，攝影發燒友可以遠打鴉洲 — 香港全大的鷺鳥聚腳地，但經驗所談，無 400mm 都打唔到鴉洲上的鷺鳥，只可以偷拍近岸覓食的鷺鳥。
全程由星級領隊方中信帶隊。有興趣參加當日行山既隊友或朋友，請儘快或於下個星期四的下午5點正前於指定網站報名，新朋友如想參加，可以直接 PM Rookie 或小弟。
行山路線: 鹿頸尤德亭、嘉龍潭
行山日期：1月24日 (即下個星期六)
集合時間: 正午12點
集合地點 : 鹿頸小巴站
起點: 鹿頸
終點: 鹿頸
行山時間: 約2小時內
地道美食：BB 開心茶座
Photo by Alex :
團長後記：
係2009年1月24日亦即年29既上午11時左右, 我地一行5架車共20人由上水馬適路開車入去鹿頸, 於十幾分鐘車程內便到達鹿頸既公共停車埸同 nomed 及 Alexchrome 會合, 之後我地便係附緊既 BB 餐廳食咗個 quick lunch, d 咸雞同牛腩麵都唔錯, 而有 d 入鹿頸之前巳食早餐既隊友亦試咗該店幾出名既豆腐花, 大家擾攘一輪吹水唔沬嘴, 等 Alexchrome set 好佢支 Gitzo 腳架影兩幅團照後, 我地呢個 22人既行山團隊便向尤德亭出發.
開始時幾過一些村屋及老屋, 拍友如 Michael, Gundam, Boris 等巳謀殺唔少相機內既 memory, 隨後我地既行山團隊又例牌好自然咁分咗成前, 中, 後, 3 小隊呢個隊形, 行最快既, 係 fr888, lhk, 佢老細同埋佢 d 女仔 friends 啦, 而包尾既就係韋信, cckeric同埋 小弟, 雖然當日天陰陰, 但沿途視野都可以望得幾遠吓, 正當人哋巳差唔多上到尤德亭, 我地尾隊既 cckeric 就仲係到一路上斜路一路大唱波兒 ~~~ 波兒 ~~~ 波兒 ~~~ 搞到連韋信都唱埋一份, 激到 Gundam 個女都頂佢地唔順, 不過咁! 佢個女亦不甘示弱, 唱晒成首波兒出黎串你地班廢柴! 
途中小弟發現 Gundam 害人終害己, 佢比架 5D 佢個女一揸手, 之後佢竟然要買返部 400D 比個女玩, 係南丫島攞支 100 2.8 黎毒我? 
約下午兩點, 所有人都到達尤德亭, 靚仔韋信又攞暗器出黎毒人, 幫我同佢位女性朋友影咗張合照, 朋友相呢?
之後眾人話提免不了又係影相, 唔影相嗰 d 如 lhk 同佢女同事等就係到玩手機, 大家又影兩幅團照後, 便向香港最大既壺穴區嘉龍潭前進.
途中阿6又同 Gundam 個女玩差謎語, 當經過一個直升機場時, E7A 好興奮咁啦咗波籮上去影合照, 而 Michael 同 Ruby 兩個人亦好搞鬼咁影咗幅倒雞眼大 close up, 你兩夫妻真係好鬼 Sweet 啊! 
無 幾耐之後, 我地終於到咗落去嘉龍潭既入口, 由於落去嘉龍潭既路存在有一定風險, 所以 Gundam 一家人, lhk 既老細同3位女性朋友, nomed 及 cckeric 等都留係入口外, 而小弟同 Alexchrome 就帶頭做敢死隊開路, 隨後有 E7A, 波籮, lhk, 女同事, 阿6, 阿7, 韋信, Michael, Ruby 等等跟住落去嘉龍潭.
由於小弟係上次探路落去嘉龍潭時唔小心比樹枝整傷咗兩隻手指既原故 (其實係傷到食指同中指都冇咗一忽肉仔 
), 所以呢次落去嘉龍潭時分外小心, 幸好所有隊友都安全落到去嘉龍潭睇嗰幾個奇洞. 
落去嘉龍潭時既情竟就費事講啦! 不過我要贊吓阿 7 同韋信, 呢次你地又有進步了! 
離開嘉龍潭後, 我地一行 22人平平安安咁行返去鹿頸既公共停車埸, 而由於小弟要趕返去食團年飯, 所以便同 nomed, 韋信既女性朋友, lhk既女同事, 及幾位女隊女先行離隊, 出返九龍再過海散水!
Report Pencil! 
領隊後記：
領隊後記：話說團長車晒o的女走之後 
餘下十幾人經商議後去左大尾篤既 BB 小廚食 tea。 之後我同 Gundam 就以拓海既速度往沙頭角方向走 
，『其餘』既人就經汀角路出九龍….
點知係沙頭角公路見到妄煮既車左搖右擺咁趕上黎，我隨即搞低隻窗問：『你去邊啊？你做乜跟我返上水啊？』妄煮成個 樣，九成唔知自己嚮邊處 。最後帶左佢出返粉嶺公路，真正結束是次活動
來緊2009年, Hiking100fun 第一個行山團會係1月11日, 亦即下個星期日舉行, 今次會去行南丫島, 由索罟灣起步繞行菱角山一週，返回索罟灣後再向榕樹灣進發, 而索罟灣至榕樹灣之路線是遊人來往榕樹灣及索罟灣的必經之路，沿途除可欣賞洪聖爺海灘的海岸生態，更有機會於索罟灣泥灘找到招潮蟹、彈塗魚和小白鷺等生態小動物。其次，你還能在短短的路程上參觀榕樹灣天后廟及索罟灣天后廟，在索罟灣海邊一帶更會見到據說在二次大戰時日軍把多艘快艇匿藏作戰的神風洞, 當到達榕樹灣後, 便於當地的酒家共進海鮮午餐。
有興趣參加當日行山既隊友或朋友, 請儘快或於下個星期四的下午5點正前報名, 領隊韋信遲些會出連結比大家報名。
行山路線：索罟灣至榕樹灣
行山日期：1月11日 (即下個星期日)
集合時間：上午8點10分
集合地點：中環碼頭 (係往索罟灣的碼頭外等侯)
起點：索罟灣
終點：榕樹灣
行山時間：約4小時內
地道美食：建興阿婆豆腐花、民豐海鮮酒家
如有任何人怕行石級或太辛苦, 可乘 10:20am 往索罟灣, 於11:00am 跟大隊會合去榕樹灣, 但一定要預早告知大隊.
路線圖:
Photo by Michael:
團長後記：
尋日早上7點幾出門口, 雖然係10度左右, 但小弟都唔覺得太凍, 因為尋日係 Hiking100Fun 於2009年舉行行山團既第一炮, 所以小弟個心高興如火! 
小 弟係 7點40分巳到咗 去南丫島索罟灣既4號碼頭, 之後便同方中信及Michael 去麥記食咗個早餐, 係8:15am 返到碼頭時巳見到正係到食緊糯米雞既 lhk 同埋佢既女同事, 而則邊就有幾乎瞓過龍既初哥及最早到既車厘子小姐, 冇幾耐之後 Bono, Yan Yan, Yan So, Gundam, Gundam So, 同埋方中信既 friend 都係 8:25am 前到達碼頭.
但係此時我地仲未見到妄煮, 於是乎 call 佢, 不過, 竟然係冇人聽! 
心知妄煮更係仲係張床上發緊綺夢唱緊波兒 … 波兒 … 波兒 … … 
算啦! 我地一行13人上船啦! 本應 Ruby 都會黎但Michael 話佢唔係太舒服, 所以佢亦臨時甩底! 希望 Ruby 快 d 好番啦! 
話說係由中環去索罟灣既船程中, 小弟同方中信同佢既 friend 傾緊相機時, 突然前排既大嬸插嘴讚美方中信手上既古董相機, 夠竟呢位大嬸係欣賞方中信手上既古董Contax 相機, 定係欣賞風度翩翩文質彬彬既方中信呢? 
係 約 9:10am, 大隊便到達索罟灣, 等幾位隊友放等幾兩後, 我哋便影團照, 呢個咁神性既任務, 更係又由至識嘆世界既雪茄王 Michael 大大負責啦! 只要 Michael 一攞出佢既毒門暗器 “八爪魚” 及 D700, 大家便自動自覺排好位等影相, 多謝 Michael 哥! 
影 兩張相後, 大隊便開始上路, 過咗一列酒家, 小賣店, 及天后廟就踏上索罟灣家樂徑, 行咗一陣就要上石級同上斜, lhk, 女同事, Yan Yan, Yan So, Bono 等更係行係最前嗰批啦! 而後邊嗰批唔使講都知係邊幾位啦! 因為我哋係機佬要影吓相嘛! 
係約10點半前, 所有隊友都上到菱角山上既涼亭, 四周風和日麗, 當中有隊友竟然離隊, 原來係阿 Yan同 lhk表現體力既時間, 佢地兩個跑上對面山頭, 此時我亦再一次打比妄煮, 佢終於以半夢半醒既聲音接聽我既電話, [團長, 唔好意思呀!] 咁我就明白尋日冇人請食飯了! 
於是乎我用 Walkie Talkie call 返兩位猛男歸隊, 向石排灣進發, 在向下行之際, 得悉原來女同事係小弟既校友, 呢個世界真係細! 
到石排灣後向榕樹下行之際, 竟然發生了少少意外, 要出動小弟同各隊友行山以來都未用過既急救包! 
點解要出動到急救包? 原來有位女隊友露底, 唔係, 係甩底, 係甩鞋底至啱!
當小弟得悉此事後, 小弟於是乎取出急夠包內既白膠布, 幫該位女隊友隻鞋做咗個小急救, 再加上 Gundam 咁啱有條索繩, 於是乎呢個甩鞋底危機可以即時化解, 之後便再向模達村進發.
到咗模達村後, 小弟買咗些楊桃同隊友分享, 雖然浸桃皮 d 味又 d 苦苦地, 但桃肉味鮮多汁, 非常解渴, 怕酸既車厘子小姐見初哥食到咁滋味, 終於都比面試返個.
食完楊桃後, 就係玩毒人遊戲時間, 方中信竟然叫 Gundam 攞支 100 Marco 出黎毒我, 呢次真係多得你地兩位唔少呀! 
比人毒完後, 再行前少少, 又竟然見到有村民用柴爐燒飯! 正呀! 隔離阿婆 d 飯, 真係香 d 架! 
同 村民傾幾句後, 大隊又再上山, 途經在山上望見模達灣水清見底, 正係好機會比小弟 practice 吓 用CPL既機會, 之後大家都覺得有 d 肚餓, 行多半個鐘, 約12:45左右, 大隊便回到索罟灣, 眾人便係該處食 d 小食如花生, 魚旦, 雞屎滕茶果等充機, d 雞屎滕茶果真係好正架! 
大家掃完一輪街後, 便行去榕樹灣.
由索罟灣行去榕樹灣, 竟然又要上山落山, 妄煮甩底對我地黎講係壞事, 但對佢黎講可能係好事! 
當上到最後一個高點, 嗰處又有一個涼亭, 小弟到步後, 又聽到又需要出動急救包既求救信訊號.
原來該位女隊友, 另一隻鞋大叫肚餓呀! 個口可以開到好似暴龍咁大! 
好 在當中有隊友立制攞條粗丈根出黎, 沽住小鞋仔把口, 當係涼亭後影完團照, 我地便向阿婆豆腐花店前進, 而好幾位隊友如方中信既 friend, lhk, yan yan, yan so, 及女同事等, 亦先行幾廿步, 包上風車山, 睇一睇架風車, 而其餘隊友就先去食阿婆豆腐花, 在等侯上風車山既隊友歸隊前, 小弟同 Michael 便係附近既農地同個阿伯吹吓水, 阿伯非常之好人, 教我地點樣簡菜同煮菜, 回到豆腐花店時, 見到先前同佢玩過既貓仔, 如嘆咁坐咗上車厘子小姐既玉腿上, 好 cute 呀! 
無幾耐 lhk, yan yan 等便歸隊, 趁佢地等食豆腐花時, 我地便 hea 吓 hea 吓咁行去榕樹灣, 無幾耐, 所有人又歸隊, 入到榕樹灣, 當中又有隊友忍唔住, 要食返串串燒, 方中信亦請咗小弟食咗一串牛肉串燒, 好正呀! 多謝信信! 
之後大隊便係一間味到 ok, 但貴夾唔抵既 fu fa late lunch, 各位真係唔好意思呀! 
食完 late lunch 後, 我地便坐 5pm 船返去中環, 係船程中, Michael 又攞佢既 headphone 出黎毒小弟.
到 5:25pm 左右, 船巳抵達中環碼頭, 各人係碼頭外, 吹咗幾分鐘水, 便抱着一個行咗10公里又上山又落山頗疲倦既身驅各自回家.
多謝咁多位行山隊友參加尋日呢個咁開心既行山活動!
多謝方中信同佢既 friend 協助帶路, 多謝 Michael 幫手影團照, 多謝 Bono 幫手買豆腐花, 多謝 Gundam 幫我影咗唔少相, 同埋要多謝所有機佬毒害小弟!
Report Pencil!
各團友，我地搵日天未光去影日岀，影完飲早茶後散隊
1) 呢次唔係一次 hiking 活動，希望唔好有提議要走山路既路線。
2) 應該會有好多器材要帶，例如腳架、菲林機、測光錶等等
3) 希望係有車到同有位泊車﹝無理由要三點起身搭巴士掛﹞
4) 以郊野背景為主
日期：一月一日
時間：早上三時
日出時間：07:00
集合地點：荃錦公路頭：馬閃排路 Google Map Link
團長後記：
係2009年1日1日零晨12時半, 小弟便出門口去接 Jacky, Michael, Ruby, 及過路人, 兜兜轉轉於2:30am 到達集合地點 “馬閃排路”, 雖然早咗, 但原來 Boris, Eva, askaseed 同佢既朋友比我哋仲早.
當其他人未到齊前, 我哋一干人等便下車吹水, 各人都非常之興奮, 由其係 Eva, 當韋信, Fuji, lhk, Alex 同佢既愛人到達時, 大家既情緒巳非常之高漲. 
由 於怕大帽山上冇車位, 所以韋信同 Boris 佢哋便先上山, 而小弟同Jacky, Michael, Ruby, 及過路人, 便繼續等侯初哥, Wharf, 及 妄煮等人. 初哥 &佢既好朋友同Wharf真係3:00am趕到黎, 手車非常之快, 而 Eric, Calvin等人亦於 3:20am左右到達集合地點, 我地一行人四架車便好似頭文字 D 咁以極速飄移上大帽山同先頭部隊會合, 可惜我唔係揸 GTR! 
當經過漆黑一片, 伸手不見五指既小路後, 我哋四架烈火戰龜終於都到達大帽山上既停車場, 好在仲有位泊車, 如果冇位泊車, 我肯定妄煮及阿6等三人會立刻被我一腳伸佢三個落石崗機場. 
我 哋一行山揸住電筒怱怱走去影星星既大本營同其他隊友會合, 雖然由於四週黑 mum mum, 但小弟巳聽到一陣陣既笑聲同叫喊聲, 點解有叫喊聲? 因為係大帽山上除咗凍之外, 真係好大風. 小弟去到大本營時, 巳見 askaseed 同佢既小天使, 兩個坐得非常之親密咁保持體温.
巳 Eva 見人齊亦立刻生火準備 coffee 同 re-heat d 食物比大隊, 開頭佢係櫈底撻唔着個 gas 爐, 唔通冇 gas? 好在唔係, 原來只不過係太大風, 好在小弟帶咗張 matt 黎, 用來擋一擋 d 風, 咁就幫 Eva撻着咗個 gas 爐, 之後偉大既工作就由 Eva 繼續包辦.
此 時巳見各人都巳經 set 好腳架影緊星, 而由於四週黑 mum mum又大風, 小弟新買返黎既腳架都未拆盒, 於是我就獨自一人行返去架車到安裝腳架, 順便幫韋信攞返條頸巾及外衣, 等佢可以變身做方中信, 但小弟係離開大隊呢十幾廿分鐘竟然引起一段可歌可泣並體會人間有情既小插曲. 
事 原小弟獨自一人行返去停車場時, 發現隻左手黏立立, 點解呢? 一去到有燈既地方一睇, 原來隻手比膠袋既膠柄界損咗, 流到幾隻手指都係蚊飯, 小弟一d 都唔覺痛, 所以走去車尾攞 d 纸巾沬沬佢便算數, 之後便安裝腳架, 再去韋信架車攞條頸巾及外衣, 但正想反去大本營時, 見到有個友仔想泊架車係小弟架車傍邊, 但耐何佢手棍波又幾屎吓, 所以便比些指示佢引導佢點樣泊好架車, 之後小弟便再行去山上唯一一個廁所洗乾淨手上既蚊飯同埋開個細, 由於該流動廁所位於一個較黑既位置, 內裡又冇燈, 所以小弟便攞出露營用既 LED 小營燈, 一開, 廁所內乜嘢牛鬼蛇神鎖羅盆富王通通都被嚇走! 
正當小弟打個尿震同拉好褲鏈後, 突然聽到韋信把聲, 小弟自不然回應: [有人係到!], 差點把韋信嚇個半死, 原來大隊見小弟久久未回大本營, 怕唔知小弟係咪跌咗落山, 所以韋信同幾位隊友如初哥等返去停車場揾我, 要咁多隊友擔心小弟, 真係唔好意思.
當初哥既車厘子小姐幫我隻手揸些少 lip bom 止住流蚊飯後, 我地便返去大本營, 眾隊友見到我亦安心, 雖然小弟隻左手只係有少少皮外傷, 但 Eva 亦好緊張咁左摷右摷想揾膠布比我, 佢既母性亦係此時不自覺咁流露咗出黎, 最終 lhk 走去揾係車內避風既妄煮等人班到膠布比我, 佢仲幫我貼埋膠布, 眾隊友對小弟既關心, 令小弟十分感動, 你哋所做既一切, 我都記得架. 
飲 過由 Eva 泡製既熱咖啡後, 小弟正式開始影相! 但此時巳5點. 由於小弟絕對係 Canon 單反新手再加上成兩三年冇玩影相, 所以一開始時左問又問, 好在 Alexchrome, Boris 等人好有耐心咁教小弟如何入手, 以致小弟終於拍攝到人生中第一幅天文照片, 多謝你地呀!
整 個過程中, 小弟只可忙裡偷閑煲煙, 都冇時間去嘆 Michael 帶來既 cigar, 真係唔好意思呀! 而影相中途, Eva 又準備好雞翼, 大紅腸, 及香噴噴既荷葉臘味糯米飯比我地食, 真係好好味同好正架, 食完個由佢親手做既荷葉臘味糯米飯後, 身心都暖晒.
影 星照時一路都好大風, 真係吹到人又郁頭又甩, 所以初哥, 阿6, 及妄煮等人都返咗架車內避吓風頭, 而小弟, Alex, 韋信, Wharf, Boris, Michael, Ruby, Askaseed, Jacky, 過路人, Eva, lhk, 及 Fuji 等繼續留係大本營影相, 吹水, 同食嘢, d 風真係好大, 呢次北風大人真係還咗小弟既心願, 個天大多數時間都睇到星, 但韋信既內心就唔係太好過, 佢既嘆有星不過無女, 嘥料!
影 咗一輪相後, 突然聽到 Eva 大叫! 原來天漸漸光起來, 當時只係早上6點10分, 大陽還未升起來, 但我地見到背後既天空漸漸有漆黑變為深藍, 心知不妙, 原來大家身處既方向係唔會影到日出既, 但在影星中途, 有其中一位隊友同我講過某個方向係向東, 結果個天既顏色話比我知唔係, 正確既方向係我上次同韋信探路時, 我話要再由停車場繼續沿禁車行既小路, 向山頂天文臺嗰邊行先啱, 不過, 我想係呢到講, 同我講邊個方向係向東既隊友唔係領隊韋信, 而係令有其人. 
當聽到由始至終全場最興奮最high, 又提供美食比各隊友既 Eva 話: [我唔理你哋! 如果冇日出相, 你哋個個唔會好過!] 
為 咗唔想Eva失望, 小弟立刻收擋走鬼咁走, 連同 Boris, 過路人, Jacky, lhk, 及兇大家既 Eva, 直向看到日出既東面奔走上山, 我哋一行六人, 以時速約6km, 係廿多分鐘內, 走咗2 km 幾, 去到一個可以影到日出既地方, 迎接 2009年1月1日既晨光第一線, 而係太陽未升起前既10分鐘, 我地6個人都好興奮同開心, 大家係到影吓合照, 而 Boris 又好有耐性咁教小弟點樣影日出, 當見到太陽終於從東面升起來時, 個個都好開心, 個太陽升得好快, 短短幾分鐘, 巳見到成隻咸蛋王升咗上來, 我哋係照完一輪相後, 亦回程走返去停車場跟大隊會合, 到達停車場各隊友亦巳收拾好行裝, 跟住分別開車去川龍既端記飲早茶. 
由於初哥要車佢既好朋友返屋企, 同妄煮揾唔到車位泊車, 所以連帶阿6等5人都冇同大隊一齊飲茶, 係到想同妄煮講聲唔好意思, 因小弟本身都係第一次入川龍, 所以未能為你揾到車位泊車, 真係唔好意思.
我地15人係端記羅通掃北一番點心後, 眼見眾人巳疲態盡露, 於是便提出尋日既日出行動正式完結, 各人分別都坐順車回家.
在 此我要多謝韋信為是次觀星日出團既顧問, 多謝Eva 同 Boris 為大家準備既飲品同食物, 其實 Michael 同 Ruby 亦有帶水, 茶葉, Cigar 等物資來, 所以亦多謝你吔兩位既一番心意, 多謝 Jacky 你幫我買咗5L 水及係睇日出時幫我哋影相, 多謝眾人對小弟既關心, 多謝韋信, Boris, Wharf, 及妄煮義務接載各隊友, 最後亦要多謝所有隊友參加今次既元旦觀星日出團!
Report Pencil!
各位行山隊友及有興趣參加既朋友:
來緊12月28日既行山團, 我地會去行位於港島區既港島徑第八段, 但此行乃非全第8段之行, 只係由土地灣開始行, 途經 [龍脊], 至大潭峽懲教所馬路為終點。
行山路線: 港島徑第八段 (非全段之行)
行山日期: 12月28日 (即下周日)
集合時間: 上午9點正
集合地點 :筲箕灣巴士總站的新巴 9 號站頭
起點: 土地灣
終點: 大潭峽懲教所馬路
行山時間: 約 3 小時
難度: 2 星級
路線詳情: 由石澳道起步，沿小徑上行至打爛埕山脊，循山脊北行抵達打爛埕山頂，山勢起伏，此為有名的港島『龍脊』。往北行，沿歌連臣山山腰小徑行至大潭峽懲教所馬路，至此處為終點。
參考網站：http://www.wchu.com/hiking/hikingdetail.php?id=8
團長後記：
今朝早雖然天陰陰好似就快落雨咁, 但呢種天氣一d 都冇影響大家既雅興, 大部份隊友於9點左右相繼到達集合地點”筲箕灣巴士總站”, 只不過係有3 條粉腸, 遲到大約15分鐘吧! 幸好係等嗰3 條粉腸期間, 阿 Yan 同 Yan So 以 自家製既 Blueberry Cheese Cake 去招待大家. 多謝! 多謝! 再多謝!
於 9:20am, 我地一行22人便登上新巴9號, 基本上, 巴士上層差唔多比我地呢班俊男美女包晒黎坐咁濟, 而其餘幾位不知名既乘客, 只係鵪春地坐係最前既一兩排, 講起今次我地既行山團隊, 呢次可以叫做係有史以來最多女隊友既一次, 共有9位女隊友參加, 今次冇黎到既人, 真係恨都恨唔到.
因 我地坐嗰架巴士以生死時速片入石澳道, 好快我地便到達上龍脊既起點 “土地灣”, 一如上次行山, 今次 Michael 又再攞出佢既毒門暗器 “八爪魚腳架”, 用黎 set 機替大家拍攝團照, 多謝Michael 又一次無私咁冒着跌爛部 D700既風險兼用佢既5秒自拍神功去幫大家影團照.
之 後, 我地既靚仔領隊方中信為大家介紹咗今次既行山路線, 我地於約 9:50am 便開始踏上港島徑第八段 (非全段) 之行, 而一開始又係上石級, 但雖則要行一粒鐘到先上到龍脊, 但石級數目比起上像中少及易行, 方中信開頭一馬當先, 跟住落後, 但好快又追得上大隊, 我地行咗約廿分鐘到, 到咗一個涼亭小休, 又再麻煩 Michael 幫大家影團照, 不過今次係用10 秒自拍神功, 因佢今次要跳欄.
我地一路行一路吹水, 沿途景色壯觀而秀麗, 於10:45am 左右, 相繼到達龍脊, 而今次方中信因有眾多美女隊友在場關係, 竟然冇包尾, 有圖為證!
點解有班人咁睇唔開呀?
到達龍脊, 雖則風大, 幸好冇吹甩任何隊友既頭, 只係有某人吐啖差點比打成雨粉, 吹回某些隊友臉上. 
我地又再影團照後, 再繼續上路, 途中又有 Yan So 批梨比我地食, 又有零食精 EVA 小姐請我地食零食, 真係爽極! 
行多約 40分鐘到, 我地巳到達平路, 向終點大潭峽懲教所馬路進攻, 雖然我地係行緊山, 但大家並冇忘記 AV, 沿途大家談及投影機, 同相機, 我地呢班男隊友, 始終都係一班機佬!
到約 12:30pm 前, 我地一行 22人, 終於到達終點, 跟住好快就有9號巴到站, 係下午1 點前, 我地返到去筲箕灣巴士總站, 跟住阿 6同阿7 邀請大家一齊去黃林記食午餐, 不過所有食物及飲品都係 AA制! 
食完黃林記既片頭河後, 我地便依依不捨咁各自歸家.
多謝各位隊友參加2008 年最後既一次 Fun Hiking, 大家係 2009年再見!
係小弟同老細回家途中, 發現一樣怪事, 點解今次行完山後, 小弟既 backpack 比出發前仲重咗既? 
哦! 原來係咁!
多謝方中信借比我既 漸變 filter!
多謝 Michael 借比我既 BD!
多謝Alexchrome 比我既 Nikon 小腳架!
多謝 Boris510 比我既小地圖!
嘩! 今日收獲十分豐富! 
寫到手軟! Report pencil!
位於新界北既鶴藪郊遊徑，全長只有 2.5 公里，高 100 公呎，但景色怡人，一邊飽覽丹竹坑村全景，另一邊遙望打鼓嶺，遠至深圳。由入口緩登至觀景台，盡覽鶴藪一帶，村屋疏落有序，鄉郊景色，回望鶴藪圍，古屋碉 樓聳立一角；遙望復耕綠田園。鶴藪路兩旁翠綠林蔭，景緻怡人。
午餐到遠近馳名的雲泉仙館享受齋菜，順道欣賞古撲風貎的園林景色。廣東南海 縣西樵山的雲泉仙館奉祀呂純陽祖師，香火鼎盛。一九三八年，日軍蓆捲廣州地區，駐兵西樵山。抗戰期間，香港淪陷，交通阻塞，其弟子未能返南海西樵山祖館賀 誕參拜，故在香港設立分館，以接續道教活動，及救濟施賑善舉。其後註冊為不牟利有限公司，一切館務由值理會負責執行。一九七五年，購入粉嶺坪輋新館址，至 一九八六年擴建「純陽殿」落成。
行山路線: 鶴藪郊遊徑
行山日期：12月21日 (即本周日)
集合時間: 上午9點正
集合地點 : 鶴藪燒烤場
起點: 鶴藪燒烤場
終點: 鶴藪燒烤場
行山時間: 約 1 小時
地圖： 地圖連結
地道美食： 雲泉素食中心
前往鶴藪燒烤場方法:
1. 於粉嶺火車站搭 52B 粉嶺至鶴藪專線小巴到鶴藪燒烤場
2. 鶴藪燒烤場有大量車位。
報名方法：請在此報名或 PM 韋信。
在北潭涌巴士總站下車後，沿北潭路前行，跨過復興橋，即達北潭涌自然教育徑。小徑沿河畔而築，平坦易走，沿途設有二十二個分站，介紹各種咸淡水交界處經常可見的地理環境及生物，至上窰民俗文物館為終點。
教育徑的首站為「涌」，站在復興橋上，可以看見北潭涌的地理環境，並且了解到這個地名的由來。涌是指流出海的水道，而在潮漲時，海水卻又會倒流入河道，形成咸淡水交界的獨特生態環境，北潭湧正是位於受潮汐影響的河口，名字就是由此而來。
走到「泥灘」站，可見到一片片紅樹林，紅樹的氣根很特別，都是一支支狀似筷子的直立著，從泥面伸出來，呼吸空氣，以適應泥灘的環境。另一種在泥灘濕地常見的 植物是露兜樹，其葉長而帶刺，果實狀似菠蘿；葉可用來包裹粽子及織席子，果核則有去暑清熱之效。在泥灘上又可見到蟹鉗一大一小的招潮蟹 等濕地生物。
離開泥灘，沿教育徑穿過林地及竹林，有一些從前村民常加利用的植物。葉面粗糙的錫葉藤，以往被村民用來打磨象牙筷子及錫器；樹 身芳香的牙香樹，則用來制作線香。接近終點站，途經一個灰石，這座石灰窰連同上诖村，均被列作法定古跡，上窰村並已改為上窰民俗文物館，游人可入內參觀。
踏上郊遊徑，初段稍為傾斜，不久可敞見右方起子灣伸延的海岸，對出的是黃宜洲及斬竹灣，風光旖旎。繼續前行，途經多道清溪，景色怡人。不久便經過一個深谷， 谷底下的海灣便是曝罟灣。對出的海島，小的是大頭洲，大的為滘西洲，當中設有高爾夫球場。離開深谷，便到達一處露營地點，可稍作休息。
休息過後，一路走在郊遊徑上，前面忽而出現一片人工化的青草地，還有一個涼亭，這裏就是昔日的越南船民羈留中心──萬宜羈留中心的遺址，該中心於一九九八年關 閉，是本港最後一個關閉的羈留中心。其實，當年在郊野公園內興建羈留中心，曾引起社會爭議，並在郊野公園及海岸公園委員會上激烈討論。
再行至西貢萬宜路，抵達萬宜水庫的西壩，便是上窰郊遊徑的終點。萬宜水庫分別位於糧船灣洲和西貢半島東部海峽的水壩，高於水平線六十四米，是全港容量最大的水 塘，儲水量達六百億加侖（二億八千萬立方米）。在興建水壩之前，需於建築堤壩地點建造圍堰，將海水隔開，抽乾海床範圍內的海水，挖除黏土和沙，才築堤壩， 使水壩能穩固地建造在堅硬的岩石上。堤壩建成後，圍堰仍然保留，用作主壩的護堤，而其中東壩向海的一面更安放了七千多塊每塊各重25噸的防波石，阻擋來自 南中國海及太平洋海浪的衝擊。
注意事項：沿西貢萬宜路步行約四十五分鐘，可返抵北潭涌乘車離開。
集合地點： 北潭涌巴士總站
起點： 北潭涌巴士總站
終點： 北潭涌巴士總站
行程： 2.5 小時
里數： 7 公里
難度： 1 星級，路段容易。
時間： 9:00 am
領隊： 韋信
地圖： 地圖連結
參考圖片： 圖片連結 | 圖片連結
集合地點相片:
集合地點
行山路線圖:
上窰郊遊徑
This page took 0.101 seconds of computer labor to produce.
design by preuro.eu
This site is licensed under a Creative Commons Attribution 4.0 International License.