| « 長山古寺、照鏡潭 | 港島徑第七段 » |
大棠至深井
由大棠自然教育徑起步，經吉慶橋、田夫仔及清快塘，沿途遠望青馬大橋及元朗巿鎮，途經元荃古道及清快塘河花池，最後抵達深井村。
集合地點： 大棠燒烤場停車場
起點： 大棠燒烤場
終點： 深井
行程： 3 小時
里數： 8 公里
難度： 1 星級
時間： 9:00 am
領隊： 韋信
參考圖片： 圖片連結 | 圖片連結
領隊後記：
是次為行山隊經過漫長暑假假期後的第一次活動，各團友見天氣轉涼，都踴躍報名。是次為大休後的活動，所以特地挑選了一段﹝以為﹞比較簡單的路線，一直未有限制人數，臨出發前一日，團長透露將會多達三十六人參加，為本團成立後的新高。
是次活動的集合地點為大棠燒烤場，因為集合地點沒有公共交通工具到達，團長分批安排團友在元朗西鐵站乘的士前往，另小弟跟一眾北區居民驅車往集合地點。
意料之內的是，五位朋友臨時退出；而意料之外的是所有團友均準時到達，唯獨北區車因在大埔擾攘了一陣子而遲了約十五分鐘。團友於大棠拍過團照後，於上午九時三十分浩浩蕩蕩沿大棠山道向大欖水塘進發。開始一段頗為容易， 未幾便抵達吉慶橋。因 Jacky 千金採取留前留後策略，大隊便以此作大休。
根據原先計劃，吉慶橋之後便應該接元荃古道，因為小弟未行過元荃 古道，唯有求教頗有經驗的 Kam Hung 『過路人』。誰不知，過路人雖然行過多次元荃古道，但未試過由元朗方向而來，一時未認得交接口，先錯過了元荃古道入口，又錯過了圓墩郊遊徑入口，一直沿大 欖自然教育徑南行一公里後才驚覺走錯了方向，再依原路折返。
返回圓墩郊遊徑入口後，小弟帶領先行隊伍先上。然而，因為圓墩郊 遊徑不在原先計劃的行程，一時未能掌握該段路程的資料，加上傳出 Jacky 要退隊，經過路人、團長及小弟以無線電對講機商議後，決定經田夫仔落清快塘。路程雖然較遠﹝多走約兩公里﹞，但起碼較有把握。如是者，透過無線電對講機要 求登上了圓墩郊遊徑的團友折返山腳，經田夫仔落清快塘。
經過兩次『額外』的路程後，包括星級領隊等體力欠佳的團友已經略 見疲態。但原來由吉慶橋至田夫仔一段要由八十公呎上斜至二百公呎，大隊隨即分成三小隊。後隊 Bono 及 Cherry 相繼出現中暑徵狀，小弟亦要不停休息回氣，幸好到達田夫仔村後，有山水及桌椅供團友小休。不久便抵達清快塘補給站，眾人才舒一口氣。
離開清快塘後急斜向山下走，不消四十五分鐘便抵達深井村。前隊抵達時間約下午一時四十五分，後隊抵達時間為下午二時三十分。團友於深井裕記用膳後解散，結束是次 hiking100fun 兩周年活動。
+++++++++++++++++++++++++++++++++++++++++++++++
再後記，以下是領隊、執行領隊及團長的道歉啟事：
執行領隊過路人：
帶錯路, 不過都有幾點想提醒返大家尋日去到吉慶橋, 第一次選擇不去田夫仔, 其實係揀o岩路, 去到第一個牌, 指示上清快塘o個個路口, 其實轉上去行就o岩 不過因為記錯左所以 miss 左o個個路口, 但實際上如果揀呢個路口上, 會比尋日轉落田夫仔再去清快塘會快大約 45 分鐘, 不過路程會較辛苦, 因為沿途沒有樹蔭 後來行錯路折返, 我唔建議行圓敦郊遊徑係因為成團人都冇人行過圓敦, 我亦係响行山書藉見過圓敦屬於高難度路線, 所以不建議大家繼續行, 情願行多一至兩公里, 但我知道一定不會走錯的路段
建議:1. 根據返我朋友 michael 提及, 初哥同鵝都有唔夠血糖的情況 (打瞌睡), 下次再行山你地都可以帶少量朱古力或得力素糖
2. 水可以準備多些少, 大約 1 至 1.5 小時行程應預備 1L 水. 正常平路大約一小時可以 4 – 5 公里, 上斜大約一小時一公里
3. 避免穿牛仔褲行山, 一來行動不便, 而且牛仔褲本身較重, 會越行越累
再講多聲對唔住
星級領隊方中信：
其實我都有責任，因為作為星級領隊，我事前既準備工夫做得唔足夠，無睇清楚條路既上落位。
其實我 plan 呢條路時，前後三段都行過：
大棠自然教育徑 06 年
圓墩效遊徑 04 年
田夫仔落清快塘 08 年﹝hiking100fun 第一次活動﹞
但三條路夾埋一齊行就未試過，而且好多路都係太耐之前行，真係唔記得的上落位。我諗下次都係搞返的自己熟悉既路，或者 small group pre-trail 下先。
團長：
要講 sorry 既, 唔該預埋我, 我亦無睇清楚條路既上落位, 到有一半以上既人上咗圓敦郊遊徑, 才驚覺圓敦條路係高難度路線, 所以要大家折返. 對唔住
Tags: hiking100fun活動, 麥理浩徑
